پاکستان

غزل

غارت گر_تہذیب کے ہاتھوں میں وطن ہے
ہر سو مرے گھر آہ و بکا، رنج و محن ہے

Ghaarta gar-e-tehzeeb k haathoN main watan he
Har soo mere ghar aah-o-baka, ranj o mihan he

یاں نفس پرستوں کی ہوس کا ہے یہ عالم
رستے میں پڑی نعش بھی بے گوروکفن ہے

YaaN nafs parastoN ki hawas ka he ye aalam
Rastay main paRi laash bhi be-gor-o-kafan he

ہر راہ درندوں سے ہے پامال وطن میں
آسیب زدہ یوں ہی پڑا دارورسن ہے

Har raah darindoN se he paamaal watan main
Aasaib-zada yuN hi paRa daar-o-rasan he

ہم آج تمدن سے نظر کیسے ملائیں
بے آبرو تہذیب کا عریاں جو بدن ہے

Hum aaj tamaddun se nazar kese milaayiN
Be-aabro tehzeeb ka uryaaN jo badan he

کم ظرف کی ہوتی ہے نظر تخت_شہی پر
یہ دیکھ کے شرمندہ بہت کوہ و دمن ہے

Kam-zarf ki hoti he nazar takht-e-shahi par
Ye dekh k sharminda boht koh-o-daman he

اک سمت لہو رنگ ہوا زیست کا مقتل
اک سمت سخن ور ہیں، بہ ایں رنگ سخن ہے

Ik simt luho-rang hua zeest ka maqtal
Ik simt sukhan-war hein, ba-eeN rang-e-sukhan he

خوشیوں کی بہار آئے، مقدر میں نہیں ہے
گیتی پہ ابھی نوحہ کناں برگ_ سمن ہے

KhushioN ki bahaar aaye, muqaddar main nahi he
Gaitee pe abhi noha kunaaN barg-e-saman he

کج فہمیءحالات کو کہتے ہیں ہنر یہ
اندھیر ہے، خورشید کہیں جس کو، کرن ہے

Kaj-fehmi-e-haalaat ko kehte hein hunar ye
Andher he, khursheed kahaiN jis ko, kiran he

***********************************************************************
***********************************************************************

اے مری سرزمیں، مری جنت
***

اے مری سرزمیں، مری جنت
تجھ پہ اترے بہار ہر موسم

روگ پت جھڑ کا تجھ کو نہ لاگے
بھاگ تیرے ہرے بھرے جاگے
چھائے گل گوں خمار ہر موسم
اے مری سرزمیں، مری جنت

رونق_دہر تجھ سے ہو جاناں
ہر نفس روح و دل رہے شاداں
یوں ہو نقش و نگار ہر موسم
اے مری سرزمیں، مری جنت

خوشبوؤں سے بھری فضاؤں میں
چاہ سے پُر انہی ہواؤں میں
زیست ہو خوش گوار ہر موسم
اے مری سرزمیں، مری جنت

تیرے دشمن خجل رہیں ہر دم
لب پہ آئے دعا یہی پیہم
ہو وطن پُر بہار ہر موسم
اے مری سرزمیں، مری جنت

A Meri SarzameeN, Meri Jannat
***

A Meri SarzameeN, Meri Jannat
Tujh pe utray bahaar har mosam

Rog pat-jhaR ka tujh ko naa laagay
Bhaag teray haray bharay jaagay
Chaaye gul-gooN khumaar har mosam
A Meri SarzameeN, Meri Jannat

Ronaq-e-dahr tujh se ho jaanaaN
Har nafas rooh-o-dil rahay shadaaN
YuN hoN naqsh-o-nigaar har mosam
A Meri SarzameeN, Meri Jannat

KhushbowoN se bahri fizaaoN main
Chaah se pur inhi hawaaoN main
Zeest ho khushgawar har mosam
A Meri SarzameeN, Meri Jannat

Teray dushman khajil rahein har dam
Lab pe aaye dua yahi paiham
Ho watan pur-bahaar har mosam
A Meri SarzameeN, Meri Jannat

***********************************************************************

***********************************************************************

روٹی کپڑا اور مکان

***
روٹی کپڑا اور مکان

کچھ بھی نہیں ان کا امکان

اس سے پہلے فوجی غنڈہ

بھاگا کھا کے پاکستان

اُس سے پہلے شیر نے بھی

نگلی اپنی آدھی جان

کیوں دیتے ہیں ہم سب ووٹ

کیا ہم سب ہیں بے ایمان

اوپر نیچے چھینا جھپٹی

اندر سے ہم ہیں سنسان

اپنی دھرتی پر کیوں لوگو

بھوک سے مرتے ہیں انسان

چلتی گاڑی چڑھ جاتی ہے

کچلے جاتے ہیں ارمان

بے شرمی کی حد کیا ہوگی

اب ہم بنتے نہیں انجان

کس کو دیں الزام یہاں

کوئی نہیں ہم میں نادان

نوچا خوب، لگا کے نعرہ

جیوے جیوے پاکستان

Roti KapRa Aor Makaan

***

Roti KapRa Aor Makaan

Kuch bhi nahi in ka imkaan

Is say pehlay Foji ghunda

Bhaga kha k Pakistan

Us say pehlay Shair nay bhi

Nigli apni aadhi jaan

Kion detay hien hum sub vote

Kia hum sub hein be-eman

uper neechay cheena jhapti

Andar say hum hein sunsaan

Apni dharti par kioN lgog

Bhook say martay hien Insaan

Chalti gaaRi charh jaati hay

kuchlay jatay hien armaan

Be-sharmi ki had kia hogi

Ab hum bantay nahi anjaan

Kis ko dein ilzaam yahaN

Koi nahi hum main naadaan

Nocha khoob, laga k na’ra

Jeeway jeeway Pakistan

***********************************************************************

***********************************************************************

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: