آبرو کا نوحہ

ــ 30 دسمبر 2006 کو پھانسی پر چڑھنے والے صدام حسین کی ساتویں برسی پر ــ

ہوائیں
بلندیوں کو محبوب رکھنے والے
شاہینوں کو
اپنے دوش پر
اُن سربہ فلک رازوں تک پہنچانے کا
فریضہ انجام دیتی ہیں
جو زمیں زادوں کے لیے چیلنج ہیں
اگر وہ چٹانوں کو
اُلٹ دینے والے پُرقوت پروں کو
جھاڑ کر
خود کو ہوس سے محروم کرنا سیکھیں
اور سیاہ چادر تلے
دشمن پر کپکپی طاری کردینے والی
نگاہوں کو
چند آنسوؤں سے دھولیا کریں
♣♣
عیبوں کی نمایش کرتے کرتے
ہم نے اپنے وجود میں خوف کو جنم دیا ہے
اس لیے دشمن ہم پر مسلط ہے
مفتوح قومیں
ہوس کا خوش نما لباس پہن کر
اڑان کی گرمی سے محروم ہوجاتی ہیں
♣♣
اے شاہین
تو آبرو کے فلسفے کو نہ سمجھ سکا
تیری نگاہ شعلہ ساز نے
اپنے ہی خرمن کو چُنا
تیرے بازوئے ہمت نے
اپنے ہی لوگوں کی ہمت پست کردی
آبرو کا پرندہ
تیرے کندھے سے اڑتے وقت
رویا ضرور ہوگا
کہا ضرور ہوگا
میں تجھے ہم دوش ثریا کرسکتا تھا
لیکن تم نے عیبوں کے سائے میں
خوف کو جنم دے کر
خلعتِ ہوس زیب تن کرلیا
آخری لمحات میں
جب زمین سے تیرا رشتہ ٹوٹنے والا تھا
تو نے مجھے یاد کیا
لیکن تیرے دوش سے
میری نسبت ٹوٹ چکی تھی

Aabroo ka Noha

A free verse poem on 7th death anniversary of Saddam Hussein (December 30, 2006)

HawaayeN
Bulandion ko mahboob rakhnay walay
ShaaheenoN ko

سونامی

دسمبر 26 2004 کو بحر ہند میں آنے والے سونامی کے نو برس مکمل ہونے پر

نو برس ہوگئے ہیں
اے ہمارے پیارے سمندر
تجھ سے کوئی گلہ نہیں
لیکن تو جس طرح ہمیں پیارا ہے
یہ زمین بھی اسی طرح پیاری ہے
اور کوئی شک نہیں
اس زمین پر رہنے والے
سب سے زیادہ پیارے ہیں
جو آج بھی بے گھری کا دکھ
خوف ناک لہروں کی
ہولناک یادوں کے ساتھ
جَھیل رہے ہیں
اسی زمین پر
تمام آسائشوں کےساتھ
صبح سے شام کرنے والے طاقت ور لوگ
تاریخ کے تسلسل میں
آج بھی عبرت پکڑنے سے
معذور نظر آتے ہیں
اور وقت کی بے نیاز آنکھ
مٹی اور پانی میں رُلتے مناظر
ابدی یادداشت میں
تسلسل کے ساتھ محفوظ کررہی ہے

A free verse poem on marking 9 years of an undersea megathrust earthquake in Indian Ocean on 26 December 2004

Tsunami

Nao baras hogaye hain 

اے انسان

(خود سے ہمکلامی کی حالت میں)

نشانیوں سے بھرا ہوا ہے
یہ سارا سنسار
ایک دن جو ہوا تھا محبوس پتھروں میں
میں لطفِ احساس ہمکلامی سے جُھک رہا تھا
وجود تیرا نشانیوں میں بڑی نشانی
تو سوچتا ہے
ہے تو بھی صانع
مگر زمیں پر تری ہی مانند
پھر رہے ہیں بہت سے خالق
تری یہ کثرت بتا رہی ہے
کہ ایک مستور اور برتر ہے ذہن اعلا
تجھے جو معدوم ہونے دیتا نہیں زمیں پر
زمیں ہو یا آسماں کے طبقے
بنی ہے جوڑی ہر ایک شے کی
تجھے نہ رہنے دیا ہے تنہا

***

تو چلتے پھرتے وجود کو
اس زمین ِ بے روح پر گماں کر
کہ جس کے اجزا ہیں غیر نامی
اور اس کی زرخیز سطح ِ اولا پہ اک بچھونا
نمو ہے یاں محو استراحت
حیات کی تجھ میں دور تک ہے
جڑوں کا اک سلسلہ رواں
اور
دروں سے چشموں کا پھوٹنا
جیسے زندگی مسکراتی جائے
مُحافظت پر ہے تیرے باطن کی، تیرا ظاہر
جہاں میں روئیدگی کی خاطر
یہ دوسرے نامیوں سے مل کر
مگن ہے صدیوں سے چارہ سازی میں
تیرے اندر کھجور کے باغ سرسراتے ہیں
باغ انگور لہلہاتے ہیں
اور جاری یہ سلسلہ ہے

A Insaan!

(Khud say ham-kalami ki haalat main)

NishanioN say bhara hua hay

Ye sara sansaar
Ak din jo hua tha mahboos pattharoN main
Main lutf-e-ahsas-e-hamkalami say jhuk raha tha
Wujood taira nishanioN main baRi nishani
Tu sochta hay
Hay tu bhi saan’i
Magar zameeN par teri hi maanind
Phir rahay hain bohot say khaliq
Teri ye kasrat bata rahi hay
K ak mastoor aor bartar hay zehn-e-ala
Tujhay jo madoom honay deta nahi hay zameeN par
ZameeN ho ya aasmaN k tabqay
Bani hay joRi har ak shay ki
Tujhay na rehnay dia hay tanha

***

Tu chaltay phirtay wujood ko
Is zameen-e-bay rooh par gumaaN kar
K jis k ajzaa hain ghair naami
Aor is ki zarkhaiz sath-e-oola pe ik bichona
Namoo hay yaaN mahv-e-istiraahat
Hayaat ki tujh main door tak hay
JaRoN ka ik silsila rawaaN
Aor
DarooN say chashmoN ka phootna
Jesay zindagi muhkurati jaaye
Muhafazat par hay teray baatin ki, taira zaahir
JahaN main royedigi ki khaatir
Ye dosray naamioN say mil kar
Magan hay sadioN say chara saazi main
Tairay andar khajoor k baagh sarsaratay hain
Baagh-e-angoor lahlahatay hain
Aor jaari ye silsila hay!

ورق سفید ہے

میں اک صدی سے پریشاں ہوں
سوچتا ہوں
لہو سے لکھتے
مرا قلم اگل رہا ہے سفیدی
یہ کیا تماشا ہے
کہا تھا تم نے کہ نظمیں مری
لہو رنگ ہیں
صریرخامہء بے رنگ تو سنی نہ کبھی
مگر یہ کیا کہ بصارت پہ اب یقیں ہی نہیں
سماعتیں بھی ہیں شرمندہ
زمیں دوز مکانوں میں
ڈری سہمی ہوئیں
وَرق پہ آج بھی نظمیں وہی تڑپتی ہیں
ورق سفید ہے
نظمیں نظر نہیں آتیں
صریر خامہ کو سننے کی تاب کیا رکھتے
سماعتوں پہ تو اترا نہیں مرے ہمدم
طلسم شب کا سکوت
مگر یہ سرخ لہو نے لباس کیوں بدلا
کفن پہن کے مرے لفظ کیا کہیں گے ابھی
یہ مر کے امن کی نظمیں کسے سنائیں گے
صدا عدم کی سنے گا
تو کون ہے ایسا
کہ ہم تو زیست کے نغمے بھی سن نہیں سکتے
میں اک صدی سے پریشاں ہوں
سوچتا ہوں
لہو سے لکھتے
مرے قلم میں سفیدی کہاں سے آئی ہے
میں سوچتا ہوں
مرے خوں کا خون کس نے کیا

Waraq Sufaid hay

Main ik sadi say pareshaaN hoN
Sochta hoN
Luhoo say likhtay
Mera qalam ugal raha hay sufaidii
Ye kia tamasha hay
Kaha tha tum nay k nazmain merii
Luhoo-rang hain
Saree-e-khaama-e-bay-rang tu sunii na kabhi
Magar ye kia k basaarat pe ab yaqeeN hi nahi
Sama’ataiN bhi hain sharminda
ZameeN-doz makanoN main
Dari sehmi hoieN
Waraq pe aaj bhi nazmain wahi taRapti hain
Waraq sufaid hay
Nazmain nazar nahi aateeN
Saree-e-khaama ko sunnay ki taab kia rakhtay
Sama’atoN pe tu utraa nahi meray hamdam
Tilism-e-shab ka sukoot
Magar ye surkh luhoo nay libaas kioN badla
Kafan pehehn k meray lafz kia kahaingay abhi
Ye mar k amn ki nazmain kisay sunayingay
Sada adam ki sunega
Tu kon say aesaa
K hum tu zeest k naghmay bhi sun nahi saktay
Main ik sadi say pareshaN hoN
Sochta hoN
Luhoo say likhtay
Meray qalam main sufaidii kahaN say aayi hay
Main sochta hoN
Meray khooN ka khoon kis nay kia

قلب ماہیت

An Urdu translation of the English poem “Metamorphosis of the Heart” written by my friend Shaheen Sultan ‘Mashaal’

قلب ماہیت

میری سوچ کے تمام زاویے
ہرلمحہ منعکس ہوتی روشنیوں میں
سرگرداں ہیں
یہ جو طول و عرض
میرے اور تیرے درمیان
کسی نامعلوم نکتے پر جانے کب سے مرکوز ہیں
حقیقت یہیں کہیں آشکار ہے
لیکن چشم بینا پر

لہو کی روشنائی منقلب ہوکر
ہمارے خوابوں کے حاشیے اور لکیریں
تشکیل دینے کے عمل سے گزرنے لگی ہے
جو کل اور آج کے مابین
دھندلی سرحدوں کی طرح کھینچی گئی ہیں
آج، جسے ہم روشن تر بنانا چاہتے ہیں
ہم جانتے ہیں کہ انہی دھندلی سرحدوں نے ہمیں یکجا کیا ہے
لیکن ہم اس کے کناروں کو نمایاں کردینا چاہتے ہیں

میری سانسوں، ریشوں اور دل کے ٹکڑوں پر
لگنے والے زخموں سے درد بہ رہا تھا
تم نے میرے دل سے ایک ایک کرکے
نرمی سے سارے کانٹے چن لیے
اور اس پرمرہم رکھ کر ایک پنکھڑی میں لپیٹ لیا
اور مجھے ایک ایسے وقفے سے آشنا کردیا
جو موسیقی کے دو سُروں کے مابین
کایناتی وقفے جیسا تھا
مجھے لگا
اُرفِی یَس بربط لیے نمودار ہوا ہے
اوریُوریڈِ سی کی زندگی کے لیے حُجّت کرنے لگا ہے

آدھی رات کے سورج تلے
میری ہتھیلی مراقبے کی حالت میں پھیلی ہے
میری حُجّت
سُرمے کی سیاہ لکیروں کے لیے ہے
جو میری آنکھوں کو اس قابل بناسکیں
کہ میں نئی مہربان روشنی کا استقبال کرسکوں
تاکہ دل کی قلب ماہیت ہوسکے

Qalb-e-maahiyat

Meri soch k tamaam zaaviye
Har lamha mun’akis hoti roshnioN main
SargardaaN hain
Ye jo tool-o-arz
Meray aor tairay darmiaan
Kisi naamaloom nuktay par jaanay kab say markuz hain
Haqeeqat yaheeN kaheeN aashkaar hay
Lekin chashm-e-beena par

Luhoo ki roshnaayi munqalib hokar
Hamaaray khwaboN k haashiye aor lakeerain
Tashkeel denay k amal say guzarnay lagi hay
Jo kal aor aaj k maabain
Dhundlii sarhadoN ki tarah khainchii gayi hain
Aaj, jisay hum roshan-tar banana chahtay hain
Hum jaantay hain k inhi dhundlii sarhadoN nay hamain yakja kia hay
Lekin hum is k kinaroN ko numayaN kardena chahtay hain

Meri sansoN, reshoN aor dil k tukRoN par
Lagnay walay zakhmoN say dard beh raha tha
Tum nay meray dil say aik aik kar-k
Narmi say saaray kaantay chun liye
Aor os par marham rakh kar aik pankhRi main lapait lia
Aor mujhay aik aesay waqfay say aashna kardia
Jo moseeqii k do suroN k maabain
Kayinati waqfsay jesa tha
Mujhay laga
Orpheus barbat liye namudaar hua hay
Aor Eurydice ki zindagi k liye hujjat karnay laga hay

Aadhi raat k suraj talay
Mairi hathailii maraqibay ki haalat main phailii hay
Meri hujjat
Surmay ki siyaah lakeeroN k liye hay
Jo meri aankhon ko is qaabil banasakain
k main nayi mehrbaan roshni ka istiqbal karsakooN
Taa-k dil ki qalb-e-maahiyat hosakay!

بچپنا

کسی بچے کی مانند اس کی آنکھوں میں
شرارت تیرتی ہے یوں
کہ جیسے زندگی کے پانیوں پر اک
محبت کا پرندہ تیرتا ہو اور
اسے دو پل ٹھہر کر سانس لینے کو
مُیَسّر ہو نہ کوئی اک جزیرہ بھی
مگر وہ مسکراتی ہوں

انہی آنکھوں کے آنگن میں
کسی کو چاہنے کا اک تصوّر رقص کرتا ہو
کبھی رقصاں، کبھی ساکت
کبھی جھومے مسرّت میں
کبھی مبہوت رہ جائے
مگر اٹکھیلیاں کھیلے
محبت کے حسیں، اس نیلے آنگن میں
سیہ، روشن درختوں میں کہیں چُھپ کر
کہیں سے چاند کی صورت ذرا سی رونمائی کو
نکل آئے
دبا کر ہونٹ دانتوں میں
کہیں محبوب کو ڈھونڈے
اُسے پاکر پھر اس کی اور بڑھ جائے
مگر اُس کے پلٹنے سے بھی پہلے خود پلٹ جائے
درختوں میں کہیں چھپ کر
یہی اٹکھیلیاں کھیلے

اگر آنکھوں کے اس نیلے سمُندر پر
شرارت، تیرنے والی
جزیرے کے کہیں مٹتے ہوئے آثار بھی پالے
تو دم لینے کو اترے اور
اُسے یہ گیان حاصل ہو
کہ اُس کا بچپنا تو مُدتوں پہلے
خود اس نیلے سمُندر میں پھسل کر ڈوبتے لمحے
ذرا سا مسکرایا تھا
بھیانک خواب کی صورت

Bachpana

Kisi bachay ki maanind os ki aankhoN main
Shararat tairtii hay yuN
K jesay zindagi k paanioN par ik
Muhabbat ka parinda tairta ho aor
Osay do pal theher kar saans lenay ko
Muyassar ho na koi ik jazeera bhi
Magar wo muskurati hoN

لمس

راگ پُروی کا لمس
کائناتی رگوں سے ٹپک کر
میرے فانی جسم کے ذرے ذرے میں
ایسے مل چکا ہے جیسے
روزِ ازل قدرت کے ہاتھوں
مشتِ خاک میں عرقِ تخلیق
اے لمس
آج تو میرا مخاطب ہے
ابدی لہر کی طرح
انسانوں کے گرد
بُنی جانے والی فضا میں
میرا وجود تیرے وجود کا متلاشی رہا ہے
تیرا وجود میرے وجود کو
اپنے نام کی طرح وہ لمس عطا کرتا ہے
جو درد اور سکون کے سنگم پر
لجلجے عرقِ تخلیق سے جنم لیتا ہے
اور اے لمس
میں تجھے
ایک وجود سے دوسرے وجود تک
تیرے سفر کے نہایت لطیف لمحات میں
کیوں نہ ٹھہر کر دیکھوں۔۔۔
کہ تجھے محسوس کرنے والے
جب ارتقائی جست بھرنے کی تمنا میں
اپنے تخلیقی سوتوں پر دیوانگی کے عالم میں
تیشہ چلاتے ہیں
اور خود میں پھوٹ بہنے کے لیے
کائنات کے عظیم الجُثہ غیر مرئ ایٹم کو
اپنے اندر پھاڑ دیتے ہیں
اور
تجھے دیکھنے کی منزل پر آتے ہیں
تو
مجسم خلش بن جاتے ہیں
اے لمس
تو ہمیشہ مسرت کے الوہی ململی پردوں میں
درد کیوں منتقل کرتا ہے۔۔۔

Lams

Raag Purvi ka lams
Kaayinaati ragoN say tapak kar
Meray faani jism k zarray zarray main
Aesay mil chuka hay jaisay
Roz-e-azal qudrat k hathoN
Musht-e-khaak main araq-e-takhleeq

!تم نے دیر کردی

تم نے تجہیز و تکفین میں دیر کردی بہت
میں تو کب لوٹ کر آچکا
اُن ہی پگ ڈنڈیوں پر۔۔۔۔۔
سفر کرکے طے)
جو طویل اور اذیّت سے بھرپور تھا
(اور دفنادیا اپنا مُردہ
۔۔۔جو قبروں کے بیچ اس طرح سے بچھی ہیں
کہ جیسے اس اُمید پر
ہر کسی کو گزرنے کی دیتی رہی ہوں اجازت
کہ اک دن تو اِن کی بھی ہوگی ہری گود
اور ان کے اندر پلے گی تمنّا

کسی تیسرے نے اگر یہ تماشا کیا ہو
کہ ہم لڑرہے تھے محبت کی ڈوئل
تو ممکن ہے دنیا کو وہ یہ بتائے
کہ کچھ دیر میں دونوں اپنے ہی ہاتھوں
!فنا ہوگئے تھے

Tum nay dair kardi!

Tum nay tajheez-o-takfeen main dair kardi bohot
Main tu kab laot kar aachuka
Un hi pag-dandioN par….
Safar kar-k tay
Jo taweel aor aziyyat say bharpoor tha
Aor dafnaa dia apna murda
….Jo qabroN k beech is tarah say bichi hain
K jesay is ummeed par
Har kisi ko guzarnay ki daitii rahi hoN ijaazat
K ik din tu in ki bhi hogi hari gaod
Aor in k andar palaigii tamanna

Kisi teesray nay agar ye tamasha kia ho
K hum laR rahay thay muhabbat ki Duel
Tu mumkin hay dunya ko wo ye bataaye
K kuch dair main dono apnay hi haathoN
Fana hogaye thay!

!آخری دم تک

ابتدائے آدم سے
ابتلائے آدم تک۔۔۔
سلسلے غلاظت کے
اب دراز اتنے ہیں
بس، نکال پاتا ہوں، انگلیوں کے پوروں کو
بے کنار دَل دَل سے
جن سے وِرد کرتا ہوں
صبح شام پاکی کی
جن میں جذب ہوتی ہے
نور اِس حقیقت کی۔۔۔۔۔
پاکیاں اُترتی ہیں
عظمتوں سے دَل دَل میں
۔۔۔۔۔۔۔۔۔۔۔۔۔۔۔۔
میری اک کہانی ہے
جانے کتنے قرنوں پر پھیل کر سسکتی ہے
گرنے والے آنسو کا ذایقہ پرانا ہے
دل لگی پرانی ہے
پیار بھی پرانا ہے
نفرتوں کے دَل دَل میں
چِپچپی پرانی ہے
ابتدائے آدم سے
ابتلائے آدم تک
سوچ کے سبھی پہلو
ایک رخ پہ بہتے ہیں
فرق بس ذرا سا ہے
کل اسی غلاظت کے ڈھیر چھوٹے چھوٹے تھے
آج یہ پہاڑوں کی چوٹیوں سے بھی اُٹھ کر
آسماں کی چھت چھوکر
داغ دار کرنے کی کوششوں میں ہیں بے کل
بے صدا اُچھلتے ہیں
آگ اک اُگلتے ہیں
۔۔۔۔۔۔۔۔۔۔۔۔۔۔۔۔۔۔۔
سلسلے غلاظت کے
توڑ کر حصارِ جسم
اندروں میں بستے ہیں
جاں گداز جذبوں کو
درد میں تپاتے ہیں، کربِ جاں میں کستے ہیں
بدبوؤں میں روتے ہیں
خوش بوؤں میں ہنستے ہیں
یاخدا ترے بندے
دَل دَلوں میں کیچڑ کے
!کس خوشی سے دھنستے ہیں
جب بِساند اٹھتی ہے ذہن و دل کے آنگن سے
آسماں اٹھاتے ہیں
اپنے ماتمی سر پر۔۔۔۔
پاکیاں طلب کرکے
اِک ذرا سا پوروں کو
وہ نکال پاتے ہیں
سلسلے غلاظت کے ساتھ ساتھ چلتے ہیں
اور آخری دم تک
!ڈبکیاں لگاتے ہیں

 Aakhri dam tak!

Ibtidaay-e-aadam say
Ibtilaay-e-aadam tak….
Silsilay ghalazat k
Ab daraaz itnay hain
Bus, nikaal paata hoN, unglioN k porooN ko
Be-kinaar dal-dal say
Jin say wird karta hoN
Subh-o-Shaam paaki ki

!بے چہرگی

Ye nazm FaceOff k naam say honay wale aek workshop k silsilay main kahi gayi hay.

ہزار چہرے
ہر ایک چہرے پہ ایک چہرہ
سجا ہے ایسا
کہ جیسے سکّے کے دو رخوں میں
بٹی حقیقت
مگر یہ چہرے پہ ایک چہرہ
فسوں ہے یارو!
اور ایسے چہروں کی کیا کمی ہے!
ہر اک نگر میں ہزار چہرے
۔۔۔۔۔۔۔۔۔۔۔۔۔۔
مری زمیں پر محبتوں کی
ہزار رنگوں میں فصلِ گل کی
ہزار صدیوں سے کھیتیاں لہلہارہی تھیں
یہ اک صدی جو عذاب بن کر
ہمارے گلشن میں آبسی ہے۔۔۔
بتاؤ مجھ کو، نمو کہاں پر ہوئی ہے اس کی
یہ کس ستارے نے اس کو جنما
کہیں پرانی کسی صدی کی
سسکتی، خوں تھوکتی، دمِ مرگ پر تڑپتی
جڑوں نے جوڑا ہے رابطہ کوئی اِس صدی سے
جو تازہ کاری کے اک فسوں سے
ہوئی مُعَنْوَن
کہ جس نے چہروں پہ ایک چہرہ مزید تھوپا
یہ اک اضافی، یہ ایک خونیں
یہ ایک بے درد پتھروں جیسا سخت چہرہ
اور ایسے چہرے ہیں اب ہزاروں
ہر اک نگر میں
۔۔۔۔۔۔۔۔۔۔۔۔۔۔۔
!فضا کو دیکھو
یہ کیا فسوں سے بھری نہیں ہے؟
یہاں پہ معصومیت سے کِھلواڑ کس نے کھیلا؟
ہم ہی نے کھیلا
سبھی نے مل کے یہاں پہ لوٹی ہے اس کی عصمت
کبھی زمیں کی حدود کے نام سے ہے لوٹی
کبھی کسی زن کے نرم نقش و نگار اپنے
کریہہ دانتوں سے ایسے نوچے
کہ اپنی پہچان بھول بیٹھے
کبھی تو غیرت پہ تھوک کر اپنی
بیٹیوں کے حقوق کھاکے
اور اِن سے بڑھ کر
کبھی خدا و رسول کے نام پر بھی آئی نہ شرم کوئی
خدائے برتر نے آسماں سے کُھلی ہدایت اتار دی ہے
مگر یہ مُلا، عجیب ملا
عجیب اِن کی شریعتیں ہیں
جو اِن سے کترا کے جائیں تو یہ اُتار دیں اُن کی گردنیں بھی
کبھی سیاسی، کبھی معاشی
ہیں احمقوں کے عجیب نعرے۔۔۔
جہاں پہ جس کو ذرا سا موقع بھی مل گیا ہے
وہیں پہ اُس نے
زمیں کی عصمت بھَنْبھُوڑ دی ہے
۔۔۔۔۔۔۔۔۔۔۔۔۔۔۔۔۔
یہ اِس صدی کے کریہہ چہرے ہیں
جن کی تعداد ہے ہزاروں
ہر اک نگر میں
مجھے تو افسوس بس یہی ہے
کہ ہم پڑے ہیں اگر مگر میں
کبھی چھپاتے ہیں اپنا چہرہ
جو خوں سے رنگیں، کٹا پھٹا ہے
کبھی دکھاتے ہیں ایسا چہرہ
ہے جس پہ معصومیت کا پہرہ
ارے، اے لوگو۔۔۔
!عجیب لوگو
یہ کیا تماشا لگارہے ہو
یہ کیسے چہرے دکھارہے ہو
فسوں میں لپٹے
!دھواں سا چہرے
کبھی حقیقت سے بھی نگاہیں ملاؤ لوگو
کہ تم تو لاچارگی کے عالم میں
تازہ کاری کی اِس صدی میں
!بغیر چہرے کے جی رہے ہو

Be-chehragii

Har aek chehray pe aek chehra

Saja hay aesa

K jesay sikkay k do rukhoN main

Bati Haqeeqat