جس عہد میں پڑا ہوں فقط اس کا دوش ہے

طرحی غزل

رشتے سبھی لہو ہوں جو مائیں لہو لہو

بھائی لہو لہو ہوں تو بہنیں لہو لہو

Rishtay sabhi laho, hoN jo maayiN luho luho

Bhai laho laho ho tu behnaiN luho luho

اُس شہر دل خراش کی شامیں لہو لہو

جس کی زمیں پہ پڑتی ہوں کرنیں لہو لہو

Os shehr e dil kharash ki shamaiN luho luho

Jis ki zameeN pe paRti hoN kirnain luho luho

جس عہد میں پڑا ہوں فقط اس کا دوش ہے

کم گو کی تجھ کو لگتی ہیں باتیں لہو لہو

Jis ehd main paRa hoN fiqat os ka dosh hay

Kam-go ki tujh ko lagti hein bataiN luho luho

پلکوں میں بس گئی ہے کسی کی نگاہ ناز

“کب دیکھیے کہ ہوں میری آنکھیں لہو لہو”

PalkoN main bas gayi hay kisi ki nigaah e naaz

“Kab dekhiye k hoN meri aankhien luho luho”

طوفان میں اڑے گی سماعت سنو اے دوست

ہوجائیں گی مری جو ندائیں لہو لہو

Toofan main uRegi sama’at suno a dost!

Hojayingi meri jo nidaayiN luho luho

شاید کہ دل میں صدق نہیں ہے ابھی تلک

ہر سمت ہورہی ہیں دعائیں لہو لہو

Shayad k dil main sadq nahi hay abhi talak

Har simt horahi hein duayiN luho luho

کس طرح میں خیال کروں امن کا یہاں

ارمان میرے، بن کے جو برسیں لہو لہو

Kis tarh main khayal karoN amn ka yahaN

Armaan meray ban k jo barsaiN luho luho

نگاہ وقت میں پیہم کھٹک رہا تھا میں

غزل

رہینِ راز، جنوں میں جو بک رہا تھا میں

نگاہ وقت میں پیہم کھٹک رہا تھا میں

Raheen e raaz, jinooN main jo bak raha tha mian

Nigah e waqt main paisham khatak raha tha mian

وفورِ شوق میں اس سے لپٹ گیا، حیرت

بدن کی راکھ کو اڑتایوں تک رہا تھا میں

Wafoor e shoq main os say lipat gaya, herat

Badan ki raakh ko uRta yuN tak raha tha main

یہ جبر تھاکہ محبت جو زیست میں اترا

وہ خواب تھا کہ حقیقیت، بدک رہا تھا میں

Ye jabr tha k muhabbat jo zeest main utra

Wo khwab tha k haqeeqat, bida raha tha mian

جہانِ حسن میں گرعشق ہو رسا، توپھر؟

بہ ضد خیال تھا اور سر جھٹک رہا تھا میں

Jahan e husn main gar ishq ho rasa, tu phir?

Ba-zid khayal tha aor sar jhatak raha tha mian

تپش خیال کی سہنا محال تھا مجھ کو

سو بے شرر سرِ صحرا بھڑک رہا تھا میں

Tapish khayal ki sehna muhal tha mujh ko

So be-sharar sar e sehra bhaRak raha tha mian

ضمیرِ عشق میں اک حسن کا سلیقہ ہے

مقام وصل پہ ساقی جھجک رہا تھا میں

Zameer e ishq main ik husn ka saleeqa hay

Maqam e wasl pe saaqi jhijak raha tha mian

قدیم ہو کے غلاظت میں لتھڑا جاتا ہوں

نیا نیا تھا تو کتنا چمک رہا تھا میں

Qadeem ho k ghalazat main lithRa jata hoN

Naya naya tha tu kitna chamak raha tha mian

ابد کے آئینہ خانے میں لے گیا یزداں

مثالِ پرتوِ جاناں جھلک رہا تھا میں

Abad k aayina khanay main legaya yazdaaN

Misal e partaw e janaN jhalak raha tha mian

نہیں خبر تھی تو رہتا لباسِ مستی میں

خبر ملی تو یہ دیکھا سسک رہا تھا میں

Nahi khabar thi tu rehta libas e masti main

Khabar mili tu ye dekha, sisak raha tha main

جلا کے راکھ کیا ایک ہی حقیقت نے

خیال دامنِ دل سے اچک رہا تھا میں

Jala k raakh kia ak hi haqeeqat nay

Khayal daaman e dil say uchak raha tha mian

میں اپنی چاہ کے ہاتھوں قرار کھو بیٹھا

پر اس کے دل میں بھی بن کے کسک رہا تھا میں

Main apni chaah k hathoN qaraar kho biatha

Par os k dil main bhi ban k kasak raha tha mian

جشن اور ماتم کدے ہم نے۔۔۔

بارہ ربیع الاول

ہر اک سے روزِ محشر اسوہء سرکار پوچھے گا

بتاؤ

کون سی سنت کو دی تھی زندگی تم نے

پڑوسی کی خبر رکھی

کبھی سچ پر ڈٹے ہو تم

تدبر بھی کیا تم نے

خدا کا گھر کیا آباد

اور

انصاف سے رشتہ کبھی جوڑا

محبت کا کیا آباد کوئ آشیاں تم نے

کوئ مفلس کدہ تم نے

کہیں گے ہم۔۔۔

یقیناً

جشن اور ماتم کدے ہم نے۔۔۔

 

12 Rabee-ul-Awwal

 

Har ik say roz e mahshar uswa e sarkaar poochega
Bataao….
Konsi sunnat ko di thi zindagi tum nay!
PaRosi ki khabar rakhi!
Kabhi sach par Datay ho tum!
Tadabbur bhi kia tum nay!
Khuda ka ghar kia aabaad..
Aor…
Insaf say rishta kabhi joRa!
Muhabbat ka kia abaad koi aashyaN tum nay!
Koi muflis kada tum nay..!
Kaheingay hum..
Yaqeenan..
Jashn aor matam-kaday hum nay..!

مجھ سے انا کی جنگ لڑی جارہی ہے کیوں

غزل

مجھ سے انا کی جنگ لڑی جارہی ہے کیوں

کیا بات ہے، انا تجھے گرما رہی ہے کیوں

Mujh say Ana ki jung laRi jarahi hay kioN
Kia baat hay, Ana tujhay garmaa rahi hay kioN

خوش ہو جہان سوختنی پر مگر اے دل

ہل من مزید کی یہ صدا آرہی ہے کیوں

Khush ho jahaan sokhtani par magar a dil
Hal mimazeed ki ye sada aarahi hay kioN

کس شوق کے اسیر ہوئے جارہے ہیں ہم

اور روح تن کی آگ کو بھڑکارہی ہے کیوں

Kis shoq k aseer hue jarahay hein hum
Aor rooh tan ki aag ko bahRka rahi hay kioN

اے حسن، بے لباسیء من پر فریفتہ

آئ عیاں جو ذات، نہاں جارہی ہے کیوں

A husn, be-libaasi-e-man par faraifta
Aayi ayaaN jo zaat, niahaN jarahi hay kioN

ذرہ ہوں نور کا مجھے مصدر سے عشق ہے

کم بخت نار مجھ ہی کو بہکارہی ہے کیوں

Zarra hoN noor ka, mujhay masdar say ishq hay
Kam bakht naar mujh hi ko behka rahi hay kioN

بڑھتی ہے پیاس میری غضب کا ہے امتحاں

آنکھوں کی پیالیوں میں یہ صہبا رہی ہے کیوں

Barhti hay piyas meri ghazab ka hay imtahaN
Aankhon ki piyalioN main ye Sehba rahi hay kioN

اس عشوہ ساز کو کئ غزلیں بھی لکھ کے دوں!۔

شہرِ سخن میں عاشقی بھٹکارہی ہے کیوں

Us ushwa Saaz ko kayi ghazlein bhi likh k dooN
Shehr e sukhan main aashiqi bhatka rahi hay kioN

محبوب کے بدن پہ نظر پڑ نہیں رہی

فطرت کی سانس مجھ کو یوں پگھلارہی ہے کیوں

Mehboob k badan pe nazar paR nahi rahi
Fitrat ki saans mujh ko yuN phigla rahi hay kioN

لو پھر سجادیا ہے وہ مقتل حریص نے

اے زندگی تو نغمہء جاں گا رہی ہے کیوں

Lo phir saja dia hay wo maqtal Harees nay
A zindagi tu naghma-e-jaaN gaa rahi hay kioN

دنیا تجھے بتاؤں کہ کچھ حق نہیں تو پھر

معنی مرے حروف کو پہنارہی ہے کیوں

Dunya tujhay bataaoN k kuch haq nahi tu phir
M’ani meray huroof ko pehna rahi hay kioN

مجھ سے ترا الجھنا ضروری نہیں اے دوست

معلوم یہ تو کر کہ وہ بھڑکا رہی ہے کیوں

Mujh say tra ulajhna zaroori nahi a dost
Maloom ye tu kar k wo bhaRka rahi hay kioN