تمھارا دکھ

محبت کی گلیوں میں پھرتی رہی ہوں
شناسائے رازِ دروں ہوں
کہیں پر ہوس ہے
کہیں دل لگی ہے
کہیں ایک جذبہ
جو خالی ہو روحِ وفا سے
یہاں لوگ مجبوریوں کو محبت سے تشبیہ دے کر
محافل میں دادِ سخن لوٹتے ہیں
یہ گلیاں
کہ جن سے میں واقف رہی ہوں
یہاں لوگ اک دوسرے کو
تواتر سے دھوکے میں رکھ کر
محبت کا ناٹک رچاکر
حقیقت کا بطلان کرتے رہے ہیں
٭٭٭

Tumhara Dukh

Muhabbat ki galioN main phirtii rahi hooN
Shanasaay-e-raaz-e-darooN hoN
KaheeN par hawas hay
KaheeN dil-lagi hay
KaheeN aek jazba
Jo khaali ho rooh-e-wafa say
YahaN log majboorioN ko muhabbat say tashbeeh day kar
Mahaafil main daad-e-sukhan loot’tay hain
Ye galiyaaN
K jin say main waqif rahi hooN
Yahan log ik doosray ko
Tawaatur say dhokay main rakh kar
Muhabbat ka naatak rachaa kar
Haqeeqat ka batlaan kartay rahay hain

فدا جس پر ہو دل ناراض میرا

غزل

محبت، دل نشیں، خوش بو، وفا ہو
سراپا بس وہ تسلیم و رضا ہو

Muhabbat, dil-nasheeN, Khush-boo, wafaa ho

Saraapa bus wo tasleem-o-razaa ho

فدا جس پر ہو دل ناراض میرا
جدا وہ جان_من تیری ادا ہو

Fida jis par ho dil naaraaz mera

Juda wo jaan-e-man teri adaa ho

مرا احساس مدہوشی میں جھومے
ترا سایہ شرابی سا نشہ ہو

Mera ahsaas madhoshi main jhoomay

Tera saaya sharabi sa nashaa ho

کبھی تم روز کے جھَنْجھَٹ سے نکلو
کبھی تو موج، مستی اور مزا ہو

Kabhi tum roz ky jhan-jhat say niklo

Kabhi tu moj, masti aor mazaa ho

اگر اقرار کا دن یاد آئے
جدائی کا یہ سَنّاٹا نوا ہو

Agar iqraar ka din yaad aaye

Judaayi ka ye sannaata nawaa ho

تمھارے نام داد_خوش نوائی
ذرا اک بار پھر نغمہ سرا ہو

Tumharay naam daad-e-khush-nawaayi

Zara ik baar phir naghma-saraa ho

مری راتوں کی تاریکی بڑھی ہے
خدا، صبحوں میں کچھ بڑھ کر صبا ہو

Meri raatoN ki taareeki barhi hay

Khuda, subhoN main kuch barh kar sabaa ho

نہ جانے کتنے دفتر کھول بیٹھیں
شکایت عاشقی میں گر روا ہو

Na jaanay kitnay daftar khol baithaiN

Shikayat aashqi main gar rawaa ho

میں انساں کو تڑپتے کیسے دیکھوں
?یہ ڈر ہے، آہ گر میری رسا ہو

Main insaaN ko taRaptay kesay dekhoN

Ye dar hay, aah gar meri rasaa ho?

رفیع اللہ کب سے منتظر ہے
!اگر اُس نے زباں سے کچھ کہا ہو

Rafiiullah kab say muntazir hay

Agar us nay zubaaN say kuch kaha ho!

ذات کی کہکشاں سے ہٹ کر ہے

غزل

ذات کی کہکشاں سے ہٹ کر ہے
وہ جو ضم ہے وجود کے اندر

آج تک چین سے نہ سوپایا
اک جہاں ہست و بود کے اندر

عشق کے شاہ کو پسند آئی
درد کی رو جنود کے اندر

اس کے ذروں میں رقص جاری ہے
آگ ہے اس جمود کے اندر

کیوں تڑپتی ہے، کیا ہے غم اس کو
ماتمی لے سرود کے اندر

جانے کیا کیا چھپا کے بیٹھی ہے
ذات باری نمود کے اندر

ہیں فسانے ارب کھرب بکھرے
تیرے میرے شہود کے اندر

عاشقا! اٹھ کے گھر جلا اپنا
مسکرا موج دود کے اندر

کیا کہوں اس گریز پائی کو
جو ہے تیرے ورود کے اندر

Zaat ki kahkashaN say hat kar hay
Wo jo zam hay wujood k andar

Aaj tak chain say na so paya
Ik jahaN hast-o-bood k andar

Ishq k shah ko pasand aayi
Dard ki ro Junood k andar

Is k zarroN main raqs jaari hay
Aag hay is jamood k andar

KioN taRapti hay, kia hay gham is ko
Matami Lay sarood k andar

Jaanay kia kia chupa k bethi hay
Zaat-e-baari namood k andar

Hain fasanay arab kharab bikhray
Teray meray shuhood k andar

Aashiqa, uth k ghar jala apna
Muskura moj-e-dood k andar

Kia kahoN is guraiz-paayi ko
Jo hay teray wurood k andar

تیرے کوچے کی آخری شب میں

غزل

تم نہ تھے وسوسوں کے گھیرے تھے
گرد میرے بلا کے پھیرے تھے

Tum na thay, WaswasoN k ghairay thay

Gird meray bala k phairay thay

تیرے کوچے کی آخری شب میں
غم، خموشی، گھنے اندھیرے تھے

Teray koochay ki aakhri shab main

Gham, Khamoshi, Ghanay andheray thay

تم نے رکھا تھا سینت کر جن کو
سچ تو یہ ہے، وہ خواب میرے تھے

Tum nay rakha tha saint kar jin ko

Sach tu ye hay, wo khwab meray thay

دل میں پھر جشن کا اک عالم تھا

روح میں درد کے پھریرے تھے

Dil main phir jashn ka ik aalam tha

Rooh main dard k pharairay thay

کمرہ گھر کا گرا دیا آخر
خواہشوں کے جہاں بسیرے تھے

Kamra ghar ka gira dia aakhir

KhwahishoN k jahaN basairay thay

فاصلوں کی ڈگر پہ قدموں کے
سب نشاں میرے تھے، کہ تیرے تھے

FaasloN ki dagar pe qadmoN k

Sub nishaN meray thay, k tairay thay

جب تماشا محل میں برپا تھا
جھونپڑی میں قضا کے ڈیرے تھے

Jab tamasha Mahal main barpaa tha

JhonpRi main qaza k phairay thay

نیند میں ہم رفیع کچھ کچھ تھے
اور وہ بھی ملے سویرے تھے

Neend main hum Rafii kuch kuch thay

Aor wo bhi milay sawairay thay

دل گرچہ یہ ناراض ہے‘ آﺅ صاحب

غزل

دل گرچہ یہ ناراض ہے‘ آﺅ صاحب
خوش کتنا وہ غماز ہے‘ آﺅ صاحب

Khush hay k jo ghammaz hay, Aao Saahib

Dil garche ye naraaz hay, Aao Saahib

سوچوگے تو وحشت سے نہ آ پاؤ گے

انجام کا آغاز ہے، آؤ صاحب

Sochogay tu wahshat say na aapaogay

Anjaam ka aghaaz hay, Aao Saahib

بہتوں نے تمھیں سوچ کے چاہا ہوگا

چاہت مری ممتاز ہے، آؤ صاحب

BohtoN nay tumhain soch k chaha hoga

Chahat meri mumtaaz hay, Aao Saahib

غصے میں محبت ہے، محبت میں نشہ

ہر راز میں اک راز ہے، آؤ صاحب

Ghussay main muhabbat hay, muhabbat main nasha

Har raaz main ik raaz hay, Aao Saahib

جو بیت گیا ہے، سو پریشاں مت ہو

حالت بڑی ناساز ہے، آؤ صاحب

Jo beet gaya hay, So pareshaN mat ho

Haalat baRi nasaaz hay, Aao Saahib

تم بھی اگر آنے کے تمنائی ہو

میرے لیے اعزاز ہے، آؤ صاحب

Tum bhi agar aaney k tamannayi ho

Mairay liye ezaaz hay, Aao Saahib

عہدنامہء ہجر

اتار کر تجھے دل سے
ملول کیوں ہوں گا
کہ میں نے
عشق و وفا کے خدا سے رو رو کر
دعائیں مانگیں کہ مجھ کو بھی بے وفا کردے
سنا تھا میں نے
کہ وحشت کے جنگلوں میں کہیں
جلا کے آگ
خدا ہم کلام ہوتا ہے
تو لے گیا تھا میں لوح_جگر کے سب ٹکڑے
وہیں پہ،
کوہ_ شب_ غم کے پاس رو رو کر
میں لوٹ آیا خدا سے معاہدہ کرکے!

Ehed-Naama-e-Hijr

Utaar kar tujhay Dil say

Malool kioN honga

K main nay

Ishq-o-wafa k khuda say ro ro kar

Duayin maangeeN k mujh ko bhi bewafa karday

Suna tha main nay

K wahshat k jangaloN main kahein

Jala k aag

Khuda hamkalaam hota hay

Tu le gaya tha main loh-e-jigar k sub tukRay

WaheeN pe

Koh-e-shab-e-gham k paas ro ro kar

Main lot aaya khuda say mua’hida kar k!

عکس ترا

ڈھونڈ رہا ہوں سائے میں بھی عکس ترا
کچھ دن پہلے روح سے سایہ اترا تھا

***********

شکستگی

پتھروں پہ لکھے ہیں
ان گنت فسانے وہ
جن کے سارے حرفوں میں
لالیاں جھلکتی ہیں
بالیاں بلکتی ہیں
خون تھوکتی ہیں یوں
جیسے پان کی پیکیں
اور ان میں قسمت کی
وہ لکیریں چلتی ہیں
جو کسی نے کھینچی ہوں
اک شکستہ خط کے ساتھ
جن میں ٹوٹ جاتا ہے
ربط ہر قدم پر یوں
جیسے سانس کا رشتہ
ٹوٹ کے بکھرتا ہے
لمحہء معین میں!

Shikastagi

PattharoN pe likhay hein
Anginat Fasanay wo
Jin k saray harfoN main
LaaliaN jhalakti hen
baaliaN bilakti hein
Khoon thokti hen yuN
jese paan ki peekaiN
Aor in main qismat ki
Wo lakeeraiN chalti hein
Jo kisi ne khainchi hoN
ik shikasta khat k sath
Jin main toot jata he
Rabt har qadam par yuN
Jesay saans ka rishta
Toot kay bikharta he
Lamha-e-mu’ayyan main!

روشنی کرتے ہیں بچے کتنی دشواری کے ساتھ

دو غزلہ – دوسری غزل

حلف اٹھاتے ہیں دلوں میں عزم غداری کے ساتھ
اور پھر کار_ مُلوکیت ہو بدکاری کے ساتھ

Half uthaate hen diloN main azm-e-ghaddari k sath
Aor phir kaar-e-mulookiat ho badkaari k sath

میں قلم سے تُف یونہی تحریر کرتا جاؤں گا
موت کا پروانہ آئے عرض_ سرکاری کے ساتھ

Main qalam se Tuf yuNhi tehreer karta jaonga
Mot ka parwana aaye arz-e-sarkaari k sath

خاک چاٹیں گی زبانیں، پگڑیاں اچھلیں گی یوں
جب تلک قایم رہیں گے سر یہ سرداری کے ساتھ

Khaak chaateNgi zubanaiN, pagRiaaN uchlengi yuN
Jab talak qaayim rahengay sar ye sardaari k sath

غیرت_ ناہید ہے اقلیم_ ہفت_ کاینات
باعث_ ننگ جہاں ہے ربط درباری کے ساتھ

Gherat-e-naaheed he aqleem-e-haft-e-kaayinaat
Baais-e-nang-e-jahaaN he rabt darbaari k sath

رات دن ڈھوتے ہیں اینٹیں اس جہان_ تار میں
روشنی کرتے ہیں بچے کتنی دشواری کے ساتھ

Raat din dhotay hen einteN is jahaan-e-taar main
Roshni karte hen bachay kitni dushwaari k sath

یہ وبا کی طرح پھیلے ایک سے دوجے تلک
دفن کرنا ہے بہت مشکل وفا ‘کاری‘ کے ساتھ

Ye waba ki tarh phelay aik se doojay talak
Dafn karna he boht mushkil wafa ‘kaari’ k sath

شہر کی ہو رونقیں یا گاؤں کی ہو سادگی
ماں مشقت کررہی ہے اپنی گھرداری کے ساتھ

Shehr ki ho ronaqeiN ya gaaoN ki ho saadgi
Maa mushaqqat kar rahi he apni ghar-daari k sath

عالم_ انساں نے ان کو جب سے تنہا کردیا
رات کو سونے لگا ہوں روز پُھلواری کے ساتھ

Aalam-e-insaaN ne in ko jab se tanha kardia
Raat ko sone laga hoN roz phulwaari k sath

آسماں کی چھت شکستہ ہوگئی غم سے رفیع
صحن میں ٹوٹا تعلق جب شجرکاری کے ساتھ

AasmaaN ki chat shikasta hogayi Gham say Rafii
Sehn main toota ta’aluq jab shajar kaari k sath

کھا گئیں سبزہ زمیں کا یہ لہو کی بارشیں

دو غزلہ – پہلی غزل

یوں روا رکھیں ادائیں تو نے دل داری کے ساتھ
یاد آتی ہے تری افسوس بے زاری کے ساتھ

YuN rawaa rakheeN adaayiN tu ne Dil-daari k sath
Yaad aati he teri afsoos be-zaari k sath

زندگی دشوار تر ہوتی رہی اس واسطے
ایک ٹیڑھی جارہی پرچھائیں تھی دھاری کے ساتھ

Zindagi dushwaar tar hoti rahi is waste
Aik teRhi jaarahi parchaayiN thi dhaari k sath

کھا گئیں سبزہ زمیں کا یہ لہو کی بارشیں
کیا بسائیں بستیاں ہم چرخ_ زنگاری کے ساتھ

Khaa gayiN sabza zameeN ka ye luhoo ki baarisheN
Kia basaayiN bastiaaN hum charkh-e-zangaari k sath

آؤ رگڑیں ایڑیاں اب دشت میں روتے ہوئے
زندگانی ہو رواں پھر چشمہء جاری کے ساتھ

Aao ragReN aiRiaN ab dasht main rotay houe
Znidagaani ho rawaaN phr chashma-e-jaari k sath

خاک ہوجائے گا، خاکی کو یہی غم کھا گیا
اور فخر_ آتش_ جاں سوز ہے ناری کے ساتھ

Khaak hojaayega, khaaki ko yahi gham kha gaya
Aor fakhr-e-aatash-e-jaaN soz he naari k sath

ہوگیا پژمردہ جب سے تن مرا تیرے لیے
دوستی کرلی ہے میں نے من کی سرشاری کے ساتھ

Hogaya pazmurda jab se tan mera teray liye
Dosti karli he main ne man ki sarshaari k sath

عالم اسباب میں ہم سادگی ڈھونڈیں کہاں
روح خود ہے ان گنت پرتوں کی تہ داری کے ساتھ

Aalam-e-asbaab main hum saadgi dhondeN kahaN
Rooh khud he an-ginat partoN ki teh-daari k sath

ماں مری حساسیت سے پھر پریشاں ہی رہی
مسکرائی تھی وہ میری پہلی کلکاری کے ساتھ

Maa meri hissasiat say phir pareshaN hi rahi
Muskuraayi thi wo meri pehli kil-kaari k sath

دل مرا رومال کی مانند خوں سے تر رہے
درد کاڑھے ہیں جنوں نے خوب گل کاری کے ساتھ

Dil mera roomaal ki maanind khooN se tar rahay
Dard kaaRhe hein junoo ne khoob gul-kaari k sath

صبح دم بستر پہ میرے جا بہ جا، ہوتا ہے اب
جاگ جاتے ہیں بہت سے کرب بے داری کے ساتھ

Subh-dam bistar pe meray jaa ba jaa, hota he ab
Jaag jaate hen boht sar karb be-daari k sath