سانس لیتا رہے یقینِ دل

غزل

ایک چہرہ جو ہے قرینِ دل
سانس لیتا رہے یقینِ دل

روح اب بھی رگوں میں تیرتی ہے
سنگ سی سخت ہے زمینِ دل

مرکزے کا طواف جاری ہے
واقفِ حال ہے رہینِ دل

تیرے احساس کی حرارت سے
پھر دھڑکنے لگی جبینِ دل

چاند چہرے سے آنکھ میں پہنچا
رفتہ رفتہ ہُوا مکینِ دل

کتنا یہ جزْرومَد اُٹھائے گا
سینہ اُس کا بنی کمینِ دل

خود تو وہ روشنی سراپا ہے
اُس کا احساس ہے نگینِ دل

حد نہیں اُس کی بے نیازی کی
جستجو ہے، تو ہے دفینِ دل

Ghazal

Aek chehra jo hay qareen-e-dil
Saans laita rahay yaqeen-e-dil

Rooh ab bhi ragoN main tairtii hay
Sang si sakht hay zameen-e-dil

Markazay ka tawaaf jaari hay
Waaqif-e-haal hay raheen-e-dil

Tairay ahsaas ki hararat say
Phir dhaRaknay lagi jabeen-e-dil

Chaand chehray say aankh main pohncha
Rafta rafta hua makeen-e-dil

Kitna ye jazr-o-mad uthaayega
Seena us ka bani kameen-e-dil

Khud tu wo roshni saraapa hay
Uska ahsaas hay nageen-e-dil

Had nahi uski bay-niyaazi ki
Justujoo hay, tu hay dafeen-e-dil

فدا جس پر ہو دل ناراض میرا

غزل

محبت، دل نشیں، خوش بو، وفا ہو
سراپا بس وہ تسلیم و رضا ہو

Muhabbat, dil-nasheeN, Khush-boo, wafaa ho

Saraapa bus wo tasleem-o-razaa ho

فدا جس پر ہو دل ناراض میرا
جدا وہ جان_من تیری ادا ہو

Fida jis par ho dil naaraaz mera

Juda wo jaan-e-man teri adaa ho

مرا احساس مدہوشی میں جھومے
ترا سایہ شرابی سا نشہ ہو

Mera ahsaas madhoshi main jhoomay

Tera saaya sharabi sa nashaa ho

کبھی تم روز کے جھَنْجھَٹ سے نکلو
کبھی تو موج، مستی اور مزا ہو

Kabhi tum roz ky jhan-jhat say niklo

Kabhi tu moj, masti aor mazaa ho

اگر اقرار کا دن یاد آئے
جدائی کا یہ سَنّاٹا نوا ہو

Agar iqraar ka din yaad aaye

Judaayi ka ye sannaata nawaa ho

تمھارے نام داد_خوش نوائی
ذرا اک بار پھر نغمہ سرا ہو

Tumharay naam daad-e-khush-nawaayi

Zara ik baar phir naghma-saraa ho

مری راتوں کی تاریکی بڑھی ہے
خدا، صبحوں میں کچھ بڑھ کر صبا ہو

Meri raatoN ki taareeki barhi hay

Khuda, subhoN main kuch barh kar sabaa ho

نہ جانے کتنے دفتر کھول بیٹھیں
شکایت عاشقی میں گر روا ہو

Na jaanay kitnay daftar khol baithaiN

Shikayat aashqi main gar rawaa ho

میں انساں کو تڑپتے کیسے دیکھوں
?یہ ڈر ہے، آہ گر میری رسا ہو

Main insaaN ko taRaptay kesay dekhoN

Ye dar hay, aah gar meri rasaa ho?

رفیع اللہ کب سے منتظر ہے
!اگر اُس نے زباں سے کچھ کہا ہو

Rafiiullah kab say muntazir hay

Agar us nay zubaaN say kuch kaha ho!

یہ جام_ سرخ کسی شب اُچھلنے والا ہے

غزل

یہ جام_ سرخ کسی شب اُچھلنے والا ہے
مزاج_زیست یہیں سے بدلنے والا ہے

Ye jaam-e-surkh kisi shab uchalnay wala hay

Mizaj-e-zeest yaheeN say badalnay wala hay

سرک رہی ہیں درون_مکاں قبائیں پھر
مزاج_یار برہنہ نکلنے والا ہے

Sarak rahi hain daroon-e-makaaN qabayiN phir

Mizaj-e-yaar barehna nikalnay wala hay

ستم کیا کہ روایت نئ نئ ڈالی
یہ اژدہا تو مجھی کو نگلنے والا ہے

Sitam kia k riwayat nayi nayi daali

Ye ajdaha tu mujhii ko nigalnay wala hay

ترے دیار میں رقصاں رہا صدی بھر کو
خیال_یار ہے، پھر سے سنبھلنے والا ہے

Tiray dayar main raqsaaN raha sadi bhar ko

Khayal-e-yaar hay, phir say sanbhalnay wala hay

پھر اس کے بعد اُسے بھی قرار آئے گا
سمے کے طاق سے لمحہ پھسلنے والا ہے

Phir is k bad usay bhi qaraar aayega

Samay k taaq say lamha phisalnay wala hay

زوال پر ہیں ستارے مری امیدوں کے
تمھارے پیار کا سورج بھی ڈھلنے والا ہے

Zawaal par hain sitaray meri umeedoN k

Tumharay piyar ka sooraj bhi dhalnay wala hay

مرے نفس کی حرارت ہے حلقہء زنجیر
اب اس کے ضبط کا بندھن پگھلنے والا ہے

Miray nafas ki hararat hay halq-e-zanjeer

Ab us k zabt ka bandhan phigalnay wala hay

تیرے کوچے کی آخری شب میں

غزل

تم نہ تھے وسوسوں کے گھیرے تھے
گرد میرے بلا کے پھیرے تھے

Tum na thay, WaswasoN k ghairay thay

Gird meray bala k phairay thay

تیرے کوچے کی آخری شب میں
غم، خموشی، گھنے اندھیرے تھے

Teray koochay ki aakhri shab main

Gham, Khamoshi, Ghanay andheray thay

تم نے رکھا تھا سینت کر جن کو
سچ تو یہ ہے، وہ خواب میرے تھے

Tum nay rakha tha saint kar jin ko

Sach tu ye hay, wo khwab meray thay

دل میں پھر جشن کا اک عالم تھا

روح میں درد کے پھریرے تھے

Dil main phir jashn ka ik aalam tha

Rooh main dard k pharairay thay

کمرہ گھر کا گرا دیا آخر
خواہشوں کے جہاں بسیرے تھے

Kamra ghar ka gira dia aakhir

KhwahishoN k jahaN basairay thay

فاصلوں کی ڈگر پہ قدموں کے
سب نشاں میرے تھے، کہ تیرے تھے

FaasloN ki dagar pe qadmoN k

Sub nishaN meray thay, k tairay thay

جب تماشا محل میں برپا تھا
جھونپڑی میں قضا کے ڈیرے تھے

Jab tamasha Mahal main barpaa tha

JhonpRi main qaza k phairay thay

نیند میں ہم رفیع کچھ کچھ تھے
اور وہ بھی ملے سویرے تھے

Neend main hum Rafii kuch kuch thay

Aor wo bhi milay sawairay thay

روشنی کرتے ہیں بچے کتنی دشواری کے ساتھ

دو غزلہ – دوسری غزل

حلف اٹھاتے ہیں دلوں میں عزم غداری کے ساتھ
اور پھر کار_ مُلوکیت ہو بدکاری کے ساتھ

Half uthaate hen diloN main azm-e-ghaddari k sath
Aor phir kaar-e-mulookiat ho badkaari k sath

میں قلم سے تُف یونہی تحریر کرتا جاؤں گا
موت کا پروانہ آئے عرض_ سرکاری کے ساتھ

Main qalam se Tuf yuNhi tehreer karta jaonga
Mot ka parwana aaye arz-e-sarkaari k sath

خاک چاٹیں گی زبانیں، پگڑیاں اچھلیں گی یوں
جب تلک قایم رہیں گے سر یہ سرداری کے ساتھ

Khaak chaateNgi zubanaiN, pagRiaaN uchlengi yuN
Jab talak qaayim rahengay sar ye sardaari k sath

غیرت_ ناہید ہے اقلیم_ ہفت_ کاینات
باعث_ ننگ جہاں ہے ربط درباری کے ساتھ

Gherat-e-naaheed he aqleem-e-haft-e-kaayinaat
Baais-e-nang-e-jahaaN he rabt darbaari k sath

رات دن ڈھوتے ہیں اینٹیں اس جہان_ تار میں
روشنی کرتے ہیں بچے کتنی دشواری کے ساتھ

Raat din dhotay hen einteN is jahaan-e-taar main
Roshni karte hen bachay kitni dushwaari k sath

یہ وبا کی طرح پھیلے ایک سے دوجے تلک
دفن کرنا ہے بہت مشکل وفا ‘کاری‘ کے ساتھ

Ye waba ki tarh phelay aik se doojay talak
Dafn karna he boht mushkil wafa ‘kaari’ k sath

شہر کی ہو رونقیں یا گاؤں کی ہو سادگی
ماں مشقت کررہی ہے اپنی گھرداری کے ساتھ

Shehr ki ho ronaqeiN ya gaaoN ki ho saadgi
Maa mushaqqat kar rahi he apni ghar-daari k sath

عالم_ انساں نے ان کو جب سے تنہا کردیا
رات کو سونے لگا ہوں روز پُھلواری کے ساتھ

Aalam-e-insaaN ne in ko jab se tanha kardia
Raat ko sone laga hoN roz phulwaari k sath

آسماں کی چھت شکستہ ہوگئی غم سے رفیع
صحن میں ٹوٹا تعلق جب شجرکاری کے ساتھ

AasmaaN ki chat shikasta hogayi Gham say Rafii
Sehn main toota ta’aluq jab shajar kaari k sath

کھا گئیں سبزہ زمیں کا یہ لہو کی بارشیں

دو غزلہ – پہلی غزل

یوں روا رکھیں ادائیں تو نے دل داری کے ساتھ
یاد آتی ہے تری افسوس بے زاری کے ساتھ

YuN rawaa rakheeN adaayiN tu ne Dil-daari k sath
Yaad aati he teri afsoos be-zaari k sath

زندگی دشوار تر ہوتی رہی اس واسطے
ایک ٹیڑھی جارہی پرچھائیں تھی دھاری کے ساتھ

Zindagi dushwaar tar hoti rahi is waste
Aik teRhi jaarahi parchaayiN thi dhaari k sath

کھا گئیں سبزہ زمیں کا یہ لہو کی بارشیں
کیا بسائیں بستیاں ہم چرخ_ زنگاری کے ساتھ

Khaa gayiN sabza zameeN ka ye luhoo ki baarisheN
Kia basaayiN bastiaaN hum charkh-e-zangaari k sath

آؤ رگڑیں ایڑیاں اب دشت میں روتے ہوئے
زندگانی ہو رواں پھر چشمہء جاری کے ساتھ

Aao ragReN aiRiaN ab dasht main rotay houe
Znidagaani ho rawaaN phr chashma-e-jaari k sath

خاک ہوجائے گا، خاکی کو یہی غم کھا گیا
اور فخر_ آتش_ جاں سوز ہے ناری کے ساتھ

Khaak hojaayega, khaaki ko yahi gham kha gaya
Aor fakhr-e-aatash-e-jaaN soz he naari k sath

ہوگیا پژمردہ جب سے تن مرا تیرے لیے
دوستی کرلی ہے میں نے من کی سرشاری کے ساتھ

Hogaya pazmurda jab se tan mera teray liye
Dosti karli he main ne man ki sarshaari k sath

عالم اسباب میں ہم سادگی ڈھونڈیں کہاں
روح خود ہے ان گنت پرتوں کی تہ داری کے ساتھ

Aalam-e-asbaab main hum saadgi dhondeN kahaN
Rooh khud he an-ginat partoN ki teh-daari k sath

ماں مری حساسیت سے پھر پریشاں ہی رہی
مسکرائی تھی وہ میری پہلی کلکاری کے ساتھ

Maa meri hissasiat say phir pareshaN hi rahi
Muskuraayi thi wo meri pehli kil-kaari k sath

دل مرا رومال کی مانند خوں سے تر رہے
درد کاڑھے ہیں جنوں نے خوب گل کاری کے ساتھ

Dil mera roomaal ki maanind khooN se tar rahay
Dard kaaRhe hein junoo ne khoob gul-kaari k sath

صبح دم بستر پہ میرے جا بہ جا، ہوتا ہے اب
جاگ جاتے ہیں بہت سے کرب بے داری کے ساتھ

Subh-dam bistar pe meray jaa ba jaa, hota he ab
Jaag jaate hen boht sar karb be-daari k sath

یوں ہوا چلی

***

یوں ہوا چلی
گرد سے اٹا، تن بدن مرا
وہ اٹھا چلی
یوں ہوا چلی
میں کہ خواب گر، غرق سر بہ سر
حسن و عشق میں، رنگ و نور میں
زندگی کی تھی بس یونہی طلب
میرے اس دل_ ناصبور میں
لہر وقت کی، سخت سنگ دل
سب بہا چلی
یوں ہوا چلی
نقش جاں فزا، رنگ دل رُبا
حسن کی ردا پر نقوش تھے ایسے جا بہ جا
فن کے آسماں پر نجوم تھے
قافلے سبھی جو وفا کے تھے، پرہجوم تھے
نقش مٹ گئے، رنگ اتر گئے
تارے بجھ گئے
قافلے لٹے
میں کھڑا ہوں اب، اپنے عہد میں
چارسو مرے سمتیں مٹ گئیں
ہوں خجل خجل، روح مضمحل
سوچتا ہوں میں
کب وفا چلی
یوں ہوا چلی۔۔!۔

YuN Hawa Chali

***

YuN Hawa Chali
Gard se ataa, tan-badan mera
Wo uTha chali
YuN Hawa Chali
Main k khwab-gar, gharq sar-ba-sar
Husn-o-ishq me, rang-o-noor main
Zindagi ki thi bus yuNhi talab
Meray is dil-e-naasaboor main
Lehr waqt ki, sakht sang-dil
Sub baha chali
YuN Hawa Chali
Naqsh jaaNfaza, rang dil-rubaa
Husn ki ridaa par naqoosh thay aesay ja-ba-ja
Fan k aasmaaN par najoom thay
Qaaflay sabhi jo wafa k thay, purhujoom thay
Naqsh mit gaye, rang utar gaye
Taaray bujh gaye!
Qaaflay lutay!
Main khara hoN ab, apne ehd main
Chaarsoo meray simteN mit gayiN
HooN khajil khajil, rooh muzmahil
Sochta hoN main
Kab wafa chali
YuN Hawa Chali

روئے زمیں پر تُو قتل۔ انسان تو کرسکتا ہی نہیں

غزل

اس دنیا میں جینے کا سامان تو کرسکتا ہی نہیں
موت کے ہوتے تیرا بھی ارمان تو کرسکتا ہی نہیں

Is dunya main jeene ka saamaan tu kar sakta hi Nahi

Mot k hote tera bhi armaan tu kar sakta hi Nahi

میرا سخن سے رشتہ کتنا ٹوٹا پھوٹا رہتا ہے
ٹوٹے پھوٹے لفظوں کو دیوان تو کرسکتا ہی نہیں

Mera sukhan say rishta kitna toota phoota rehta hay

Tootay phootay lafzoN ko deewaan tu kar sakta hi Nahi

کچھ سبزہ کرنا ہے مجھ کو، پھول کھلانے ہیں پھر سے
میں اپنے دل کی کھیتی ویران تو کرسکتا ہی نہیں

Kuch sabza karna he mujh ko, phool khilaane hein phir se

Main apne dil ki khaitee veeraan tu kar sakta hi Nahi

باہر رہ کر حسن سے اپنا دل بہلاتا رہتا ہے
من کا وحشی پابند۔ زندان تو کرسکتا ہی نہیں

Baahir reh kar husn se apna dil behlaata rehta hay

Man ka wehshi paaband-e-zindaan tu kar sakta hi Nahi

جان مری حاضر ہے لے لے اک مسکان کے بدلے بھی
تجھ پر یہ انمول انا قربان تو کرسکتا ہی نہیں

Jaan meri Haazir he le le ik muskaan k badley bhi

Tujh par ye anmol ana qurbaan tu kar sakta hi Nahi

زیست پہ تجھ کو ایک ذرا قدرت حاصل ہو تو کہ دے
روئے زمیں پر تُو قتل۔ انسان تو کرسکتا ہی نہیں

Zeest pe tujh ko aik zara qudrat haasil ho to keh de

Rooy-e-zameeN par tuu qatl-e-insaan tu kar sakta hi Nahi

اب جب کے اس کاہکشاں میں میری نیابت طے ہے تو پھر
اپنی سوچ کے کرے کو سنسان تو کرسکتا ہی نہیں

Ab jab k is kaahkashaaN main meri nayabat tay he tu phir

Apni soch k kurray ko sunsaan tu kar sakta hi Nahi

اپنے مصدر سے اک بار کیا تھا وعدہ روحوں نے
اور کسی سے جسم یہاں پیمان تو کرسکتا ہی نہیں

Apne masdar say ik baar kia tha wada roohoN ne

Aor kisi se jism yahaN paimaan tu karsakta hi Nahi

شرف یہ بس آزاد منش لوگوں کو بخشا ہے اس نے
سچی محبت آقا سے دربان تو کرسکتا ہی نہیں

Sharf ye bus aazaad manish logoN ko bakhsha he os ne

Sachi muhabbat aaqa say darbaan tu kar sakta hi Nahi

عشق نے آکر سر پھٹکا تھا در پہ خرد کے جس لمحے
عقل نے جیسا رقص کیا، وجدان تو کرسکتا ہی نہیں

Ishq ne aakar sar phatka tha, dar pe khirad k jis lamhe

Aql ne jesa raqs kia, wijdaan tu kar sakta hi Nahi

فطرت کے آنسو کا کوئی مول نہیں اس دنیا میں
آنکھ سے ٹپکے موتی کو مرجان تو کرسکتا ہی نہیں

Fitrat k aansoo ka koi mol nahi is dunya main

Aankh se tapkay moti ko marjaan tu kar sakta hi Nahi

آرہی ہے ٹھیکری سے درد کی تازہ کھنک

غزل

جسم سے ہٹ کر کبھی سنسار میں تنہا رہا
اور کبھی یہ دکھ کہ میں اخبار میں تنہا رہا

Jism say hat kar kabhi sansaar main tanha raha

Aor kabhi ye dukh k main akhbaar main tanha raha

اپنے کمرے کے در و دیوار میں تنہا رہا
گھر سے نکلا تو کھلے بازار میں تنہا رہا

Apne kamray k dar-o-deewar main tanha raha

Ghar say nikla tu khulay bazaar main tanha raha

دیکھنے آتے رہے انبوہ کے انبوہ اور
میں کسی فن کار کے شہ کار میں تنہا رہا

Dekhne aate rahe anboh k anboh aor

Main kisi fankaar k sheh-kaar main tanha raha

قربتوں میں فاصلوں کا دکھ ملا اس واسطے
خود میں اپنے ہی دل_ سرشار میں تنہا رہا

QurbatoN main faasloN ka dukh mila is waaste

Khud main apne hi dil-e-sarshaar main tanha raha

کھالیا اک عمر دھوکا، پھر کھلا، اس بزم میں
پرکشش تھا جو، اُسی کردار میں تنہا رہا

Khaa lia ik umr dhoka, phir khula, is bazm main

Purkashish tha jo, osi kirdaar main tanha raha

تُو نہ سمجھا ہے مرے اخلاص کو، کچھ غم نہیں
کیاکہوں، میں اپنے ہی گھر بار میں تنہا رہا

Tu na samjha hay meray ikhlaas ko, kuch gham nahi

Kia kahoN, main apne hi ghar baar main tanha raha

تھے بہت جو تیری قربت میں پھلے پھولے، وہیں
ایک تھا ایسا، تری سرکار میں تنہا رہا

Thay boht jo teri qurbat main phalay-phoolay, waheeN

Aik tha aesa, teri sarkaar main tanha raha

اک طرف یاروں کی محفل میں ملیں تنہائیاں
اک طرف برسوں تلک اغیار میں تنہا رہا

Ik taraf yaaroN ki mehfil main mileeN tanhaayiaN

Ik taraf barsoN talak aghyaar main tanha raha

گاؤں کی پرکیف سانسوں نے مجھے کھینچا، مگر
خوشبوؤں میں، دامن_ کہسار میں تنہا رہا

GaaoN ki purkaif saansoN nay mujhe khencha, magar

KhushbowoN main, daaman-e-kohsaar main tanha raha

کوئی کرتا کیا مدد میری، دکھاتا کیا اُسے
اک خیال_ باعث_ آزار میں تنہا رہا

Koi karta kia madad meri, dikhata kia osay

Ik khayal-e-baais-e-azaar main tanha raha

اجنبیت کا کھلا اظہار پھولوں نے کیا
اور میں شرمندہ سا گل زار میں تنہا رہا

Ajnabiyat ka khula izhaar pholoN nay kia

Aor main sharminda sa gulzaar main tanha raha

ظالموں نے کیسی کیسی قامتوں کو ڈھادیا
نوحہ گر اک کوچہٴ مسمار میں تنہا رہا

ZaalimoN nay kesi kesi qaamatoN ko dhaa dia

Noha-gar ik koocha-e-mismaar main tanha raha

آرہی ہے ٹھیکری سے درد کی تازہ کھنک
قافلہ تاریخ کے اسرار میں تنہا رہا

Aarahi hay theekri say dard ki taaza khanak

Qaafila taareekh k asraar main tanha raha

کایناتی وسعتوں میں گردشیں ہوں یا سکوت
آدمی تو ثابت و سیٌار میں تنہا رہا

Kaayinati wus’atoN main gardisheN hoN ya sakoot

Aadmi tu saabit-o-sayyaar main tanha raha

غم خوشی کے گاؤں میں رقصاں رہا ہرپل رفیع
موسموں کے ہر حسیں تہوار میں تنہا رہا

Gham khushi k gaaoN main raqsaaN raha har pal Rafii

Mosimon k har haseeN tehwaar main tanha raha

زخم سینے پہ مسکرا رہا ہے

غزل

کوئی آسیب ہے‘ خوش آ رہا ہے
دل مرا درد ہی اٹھا رہا ہے

Koi Aasaib hey, Khush Aa raha hey

Dil mera dard hi utha raha hey

دفن کرکے میں خود کو‘ آرہا ہوں

وہ ابھی ضبط آزما رہا ہے

Dafn kar k main khud ko, aa raha hoN

Wo abhi zabt aazma raha hay

درد کو نیند آگئی  لیکن

زخم سینے پہ مسکرا رہا ہے

Dard ko neend aagayi lekin

Zakhm seenay pe muskura raha hay

جانے کیوں انتظار ہے تمھیں اب

کیا یہ لاشا تمھیں بلا رہا ہے

Jaane kioN intizaar hay tumhein ab

Kia ye laasha tumhein bula raha hay

ٹیس خود ہی پہ مسکرا رہی ہے

داغ دل پر جو بلبلا رہا ہے

Tees khud hi pe muskura rahi hay

Daagh dil par jo bilbila raha hay

اُن لبوں پر تھی شرمگیں ہنسی اور

میرے ہونٹوں پہ قہقہہ رہا ہے

Un laboN par thi sharmgeeN hansi aor

Meray hontoN pe qehqaha raha hay

میرے اور تیرے درمیاں، بتا اب

کتنی صدیوں کا فاصلہ رہا ہے

Meray aor teray darmiaNn bata ab

Kitni sadyoN ka faasla raha hay

وہ رویہ ترا، جو کھا گیا دل

اب تری ہمرہی کو کھا رہا ہے

Wo rawayya tera, jo khaa gaya dil

Ab teri hamrahi ko khaa raha hay