غزل

یار ہے، دُشمنی پہ اُترا ہے عالم اک سَنسَنی پہ اُترا ہے

آنکھ حیران کوہِ غم کی ہے عشق جو مَنحَنی اُترا ہے

وقت کے ناخُدا پریشاں ہیں جانے کیا پَدمَنی پہ اُترا ہے

ہجر حیران اور لب بستہ وصل ناگفتَنی پہ اُترا ہے

مُسکراہٹ بھی دے نہیں پاتا قَحْط ایسا غنی پہ اُترا ہے

وہ اَناکیش رِفعَتوں سے اب حالتِ جاں کنی پہ اُترا ہے

Ghazal

مَصرف

Masraf

!آخری دم تک

Aakhri dam tak!

!بے چہرگی

Be-chehragii

افسانہ کھیل

Afsana Khail

غزل

صدیوں سے راکھ سوئی ہو اخگر کے آس پاس جذبے پڑے ہوئے ہیں یوں مَنظر کے آس پاس

میں روشنی بَہ دَست کہاں پھر رہا ہوں، حَیف تاریکیوں کا رقص ہے دِل بَر کے آس پاس

مجھ میں نمو بَبُول کی یوں ہی نہیں ہوئی بوئی ہے تم نے کچھ تو خَلِش دَر کے آس پاس

مجھ سے الجھ رہے ہیں کہ تعبیر دو ہمیں وہ خواب جو بکھر گئے بستر کے آس پاس

برپا ہے جس کی سوچ میں ہنگامہء خیال رسّی تڑپ رہی ہے اُسی سر کے آس پاس

واعظ کو ہو ذرا سا بھی کھٹکا گرفت کا فتوے اُلجھنے لگتے ہیں مِنبر کے آس پاس

مجبوریوں کی چُپ ہے کوئی بے سبب نہیں دکھ بولتے رہے ہیں مِرے گھر کے آس پاس

برسوں سے تِشنَگی میں تڑپتے خیال کو چھوڑ آیا کل رفیع سمُندر کے آس پاس

میں روشنی بَہ دست کہاں پھر رہا ہوں، حَیف تاریکیوں کا رقص ہے دِل بَر کے آس پاس

قطعہ

سایہ بن کر دعا نہ دے مجھ کو سبز ہاتھوں کا لمس ہے درکار

میرے من کے اندھیرے گہرے ہیں تیرے ماتھے کا شمس ہے درکار

غزل

محبت، دل نشیں، خوش بو، وفا ہو سراپا بس وہ تسلیم و رضا ہو

فدا جس پر ہو دل ناراض میرا جدا وہ جان_من تیری ادا ہو

مرا احساس مدہوشی میں جھومے ترا سایہ شرابی سا نشہ ہو

کبھی تم روز کے جھَنْجھَٹ سے نکلو کبھی تو موج، مستی اور مزا ہو

اگر اقرار کا دن یاد آئے جدائی کا یہ سَنّاٹا نوا ہو

تمھارے نام داد_خوش نوائی ذرا اک بار پھر نغمہ سرا ہو

مری راتوں کی تاریکی بڑھی ہے خدا، صبحوں میں کچھ بڑھ کر صبا ہو

نہ جانے کتنے دفتر کھول بیٹھیں شکایت عاشقی میں گر روا ہو

میں انساں کو تڑپتے کیسے دیکھوں ?یہ ڈر ہے، آہ گر میری رسا ہو

یار ہے، دُشمنی پہ اُترا ہے
عالم اک سَنسَنی پہ اُترا ہے

آنکھ حیران کوہِ غم کی ہے
عشق جو مَنحَنی اُترا ہے

وقت کے ناخُدا پریشاں ہیں
جانے کیا پَدمَنی پہ اُترا ہے

ہجر حیران اور لب بستہ
وصل ناگفتَنی پہ اُترا ہے

مُسکراہٹ بھی دے نہیں پاتا
قَحْط ایسا غنی پہ اُترا ہے

وہ اَناکیش رِفعَتوں سے اب
حالتِ جاں کنی پہ اُترا ہے

صدیوں سے راکھ سوئی ہو اخگر کے آس پاس
جذبے پڑے ہوئے ہیں یوں مَنظر کے آس پاس

میں روشنی بَہ دَست کہاں پھر رہا ہوں، حَیف
تاریکیوں کا رقص ہے دِل بَر کے آس پاس

مجھ میں نمو بَبُول کی یوں ہی نہیں ہوئی
بوئی ہے تم نے کچھ تو خَلِش دَر کے آس پاس

مجھ سے الجھ رہے ہیں کہ تعبیر دو ہمیں
وہ خواب جو بکھر گئے بستر کے آس پاس

برپا ہے جس کی سوچ میں ہنگامہء خیال
رسّی تڑپ رہی ہے اُسی سر کے آس پاس

واعظ کو ہو ذرا سا بھی کھٹکا گرفت کا
فتوے اُلجھنے لگتے ہیں مِنبر کے آس پاس

مجبوریوں کی چُپ ہے کوئی بے سبب نہیں
دکھ بولتے رہے ہیں مِرے گھر کے آس پاس

برسوں سے تِشنَگی میں تڑپتے خیال کو
چھوڑ آیا کل رفیع سمُندر کے آس پاس

میں روشنی بَہ دست کہاں پھر رہا ہوں، حَیف
تاریکیوں کا رقص ہے دِل بَر کے آس پاس

سایہ بن کر دعا نہ دے مجھ کو
سبز ہاتھوں کا لمس ہے درکار

میرے من کے اندھیرے گہرے ہیں
تیرے ماتھے کا شمس ہے درکار

محبت، دل نشیں، خوش بو، وفا ہو
سراپا بس وہ تسلیم و رضا ہو

فدا جس پر ہو دل ناراض میرا
جدا وہ جان_من تیری ادا ہو

مرا احساس مدہوشی میں جھومے
ترا سایہ شرابی سا نشہ ہو

کبھی تم روز کے جھَنْجھَٹ سے نکلو
کبھی تو موج، مستی اور مزا ہو

اگر اقرار کا دن یاد آئے
جدائی کا یہ سَنّاٹا نوا ہو

تمھارے نام داد_خوش نوائی
ذرا اک بار پھر نغمہ سرا ہو

مری راتوں کی تاریکی بڑھی ہے
خدا، صبحوں میں کچھ بڑھ کر صبا ہو

نہ جانے کتنے دفتر کھول بیٹھیں
شکایت عاشقی میں گر روا ہو

میں انساں کو تڑپتے کیسے دیکھوں
?یہ ڈر ہے، آہ گر میری رسا ہو

رفیع اللہ کب سے منتظر ہے
!اگر اُس نے زباں سے کچھ کہا ہو